22 лістапада ў Камянецкай цэнтральнай раённай бібліятэцы прайшла навукова-практычная канферэнцыя «Краязнаўства – новыя гарызонты ў дзейнасці бібліятэк».
Адкрыла канферэнцыю дырэктар сістэмы Хухлаева Л. А., падкрэсліўшы значнасць бібліятэк ў пошуку, захаванні і распаўсюджванні краязнаўчай інфармацыі.
Праграмна-праектную дзейнасць бібліятэк сістэмы па краязнаўству агледзела загадчыца аддзела маркетынгу Жэдзік Г.П.
Адлюстраваннем шырокага спектра пашукова-даследчай дзейнасці стаў даклад метадыста Трафімчук Н.Н. «Князь Уладзімір Васількавіч – заснавальнік г. Каменца».
Актыўны ўдзел у канферэнцыі прынялі супрацоўнікі бібліятэк-філіялаў. Тэматыка прадстаўленых дакладаў прысвечана гісторыі малой радзімы: «Род Манькоўскіх з в. Хадасы: цікавыя факты» (Хадасоўская с/б), «Храм Узвіжання Хрыста Гасподняга в. Амелянец – помнік драўлянага дойлідства» (Амелянецкая с/б), «Станіслаў Аўгуст Панятоўскі – апошні кароль Рэчы Паспалітай» (Воўчынская с/б) , «Дварцова-паркавы ансамбль Сапегаў-Патоцкіх – жамчужына Берасцейшчыны» (Высокае ГБ).
Загадчыца аддзела абслугоўвання і інфармацыі Супруновіч С. Г. прэзентавала дзейнасць гісторыка-краязнаўчага Цэнтра Камянецкай ЦРБ ім. У. М. Ігнатоўскага і падзялілася вопытам работы ў краязнаўчым накірунку.
Напрыканцы канферэнцыі яе ўдзельнікі наведалі музей «Камянецкая башня».