25 лістапада ў Высокаўскай дзіцячай бібліятэцы адбыліся літаратурныя вячоркі “Песняры зямлі пад белымі крыламі”, прысвечаныя 140-годдзю з дня нараджэння класікаў беларускай літаратуры Я. Купалы і Я. Коласа.
На вячоркі былі запрошаны кружкоўцы ЦДОД і М “Ветрвзь”. Падчас мерапрыемства з дапамогай слайд-прэзентацыі ўдзельнікі мерапрыемства пазнаёміліся з біяграфіямі паэтаў, паслухалі іх вершы, што потым дапамагло разгадаць крыжаванкі.
Акрамя гэтага дзеці паслухалі песню “Няма другой такой” ў выкананні ўзорнага фальклорнага клуба “Катрынка” (кір. Зайцава Н.Е, Краўчук Н.Е), а таксама гулялі ў беларускую народную гульню.
У правядзенні мерапрыемства выкарыстоўвалася кніжная выстава-юбілей “Дыяменты беларускай літаратуры”.