Норблен дэ ла Гурдэн, Жан П’ер (фр. Jean-Pierre Norblin de la Gourdaine, 15.07.1740, — 23.02.1830, Парыж), польскі мастак французскага паходжання, жывапісец, графік і гравёр, адзін з заснавальнікаў польскага жанравага жывапісу. Пазнаёміўся з князем А. К. Чартарыйскім і быў запрошаны вучыць маляванню яго дзяцей (1772). У 1774 прыехаў ў Польшчу. У Варшаве заснаваў мастацкую школу (1774-1804). Стаў прыдворным жывапісцам караля Станіслава Аўгуста Панятоўскага, які даручыў яму намаляваць карціну: «Збароўская бітва пры Уладзіславе IV”. У 1790-х жыў і працаваў ў Воўчыне. У 1804 Норблен вярнуўся на радзіму ў Францыю. Аўтар шматлікіх жанравых сцэн, партрэтаў польскіх арыстакратаў. Быў сведкам падзей паўстання пад кіраўніцтвам Т. Касцюшкі і адлюстраваў іх ў малюнках і палотнах.