Тыдзень краязнаўчых ведаў "Мой край у сэрцы маім" быў адзначаны ў Пелішчанскай сельскай бібліятэцы гадзінай гісторыі "Зямлі маёй мінулы лёс", падчас якога прысутныя бліжэй пазнаёміліся з гістарычным мінулым мясцовасці, даведаліся адкуль пайшла назва вёскі Пелішча, і як жылі нашы продкі шмат гадоў таму.
   Яшчэ больш краязнаўчых фактаў аб сваёй малой Радзіме прапаноўвала выстава "Ён Радзімаю завецца, непаўторны, мілы край".
   Непадробную цікавасць у наведвальнікаў бібліятэкі выклікала выстава карцін "Палёт пэндзля" аднавяскоўца Саковіча Антона Мартынавіча, некаторыя нават не ведалі, што побач з імі жывуць такія таленавітыя людзі.